SCERNETTA DDD abelade
S Program isch e einzelni Datei, es bruucht kei Installation und kei Konto. Nach em Start frögt s nach eme Aktivierigscode. Dä überchömed Sie vo üs, für e Teschtversion glich wie für e kaufti Lizänz.
S Program lauft uf macOS und Windows. Mir gäbed s uf Afroog use: Schriibed Sie üs churz, wer Sie sind und wie vill Fahrer Sie uswertet. Sie überchömed denn de aktuell Build zäme mit eme Aktivierigscode für 14 Täg.
Bim erschte Start
Di aktuelle Builds sind no nöd bi Apple und Microsoft signiert, drum warned beidi Syschtem bim erschte Öffne. Under Windows klicked Sie im SmartScreen-Fenschter uf «Weitere Informationen» und denn uf «Trotzdem ausführen». Under macOS erschiint nach em erschte Versuch i de Systemiistellige under «Datenschutz & Sicherheit» en Chnopf «Dennoch öffnen». Beides isch nu einisch nötig.
S Program verbindet sich einisch mit üsem Server, um de Aktivierigscode gäge e Lizänz z tuusche. Bi jedem Start frögt s usserdäm ab, öb s e neueri Version git. Chartedate verlönd de Rächner debi nie.
So chömed Sie a en Code
Schriibed Sie üs churz, wer Sie sind und wie vill Fahrer Sie uswertet. Sie überchömed en Aktivierigscode für 14 Täg, ohni Iischränkige im Program. Wänn Sie dernach witermache wänd, stelled mir en neue Code us, wo Sie im gliiche Lizänzfenschter iiträged. D Lizänz isch a de Rächner bunde, wo de Code iigäh wird, en zweite Rächner bruucht en zweite Code.
Wänn bim Start öppis nöd klappt, schriibed Sie üs mit em Fingerabdruck, wo s Program im Lizänzfenschter aazeigt. Denn chönd mir nacheluege, was passiert isch.